Os servizos que a confraría de Pescadores do Pindo presta os seus asociados son:

1. Asesoramento e tramitación administrativa:
   • Axudas e subvencións públicas.
   • Expedición de certificacións.
   • Permisos de explotación.
   • Licencias de pesca profesional e recreativa.
   • Cambios de porto base.
   • Cambios de modalidade de pesca.
   • Expedición de guías e documentos de transporte.
2. Actuación como oficina pública na recepción, rexistro e tramitación de documentación dirixida á Administración Autonómica.
3. Asesoramento sobre a aplicación da normativa pesqueira e marisqueira.
4. Elaboración dos plans de explotación de pesca e marisqueo.
5. Organización de actividades formativas e culturais:
   • Cursos de capacitación –mariñeiro pescador, patrón de pesca local, manipulación de produtos pesqueiros frescos, certificado de mariscador, certificado de percebeiro, etc.
   • Xornadas de Pesca, organizadas con carácter anual pola confraría desde o a no 2006.
   • Visitas formativas e culturais a distintas comunidades pesqueiras, así como a instalacións portuarias, museos, centros de interpretación e outras entidades que desenvolven actividades de posta en valor do patrimonio marítimo pesqueiro.
6. Información sobre a previsión meteorolóxica e o estado do mar.

Estes servizos son gratuitos para tódalas persoas asociadas á nosa entidade.

Desde a confraría estamos traballando para ampliar e mellorar a oferta de servizos para tódolos socios e non socios.

O horario habitual de atención ao público na confraría é de 10:00 a 14:00 horas, e de 15:30 a 16:30, de luns a venres.