Dando a coñecer o noso mar

Benvido ao Pindo Mariño

Estás na web do proxecto Pindo Mariño. Convidámosche a que coñezas quén somos ou as actividades que levamos a cabo.

Recuperación e posta en valor da tradición e cultura mariñeira de O Pindo

Convocatoria do Premio polo X aniversario do Prestige: "Que sabes ti do Prestige?"

O afundimento do petroleiro Prestige supuxo un feito que marcou a vida dos nosos mariñeiros e mariscadoras, porque viron manchada de fuel durante moito tempo a costa na que traballan e non puideron saír a traballar en ela, pero tamén dos veciños/as do conxunto do Concello de Carnota e máis particularmente do pobo do Pindo.

Este feito, sucedido en novembro do ano 2002, cumpre agora 10 anos, polo que os nenos de educación Primaria dos nosos colexios non viviron en primeira persoa este acontecemento, e pode que moitos deles non sexan coñecedores do mesmo.

A Confraría de Pescadores do Pindo, dentro do seu programa Pindo Mariño, convoca un concurso para conmemorar o X Aniversario do afundimento do Prestige e deste xeito achegar a estes cativos ó vivido naqueles intres, a Marea Nega de fuel e o movemento sen precedentes que se deu de Marea Branca do voluntariado.

Os destinatarios desta convocatoria son:

  • Alumnos de primaria do CEIP de O Pindo
  • Alumnos de primaria do CEIP de Carnota

Os principais obxectivos da organización deste concurso son:

  • Fomentar nos alumnos de primaria a curiosidade polos feitos sucedidos fai dez anos na Costa da Morte e máis concretamente no Concello de Carnota a raíz do afundimento do Prestige.
  • Promover nos nenos e nenas unha conciencia crítica cos problemas que ameazan o medio mariño e coa necesidade do coidado do mesmo.
  • Inculcar nos alumnos o respecto polo medio mariño e pola defensa e coidado do mesmo.
  • Amosar a necesidade da axuda solidaria e a cooperación como vías para a solución de problemas.

As bases deste concurso pódense descargar na seguinte ligazón:

I concurso de sobremesas típicas da zona

Dentro da programación das VII Xornadas de Pesca, Pindo Mariño organiza o I concurso de sobremesas típicas da zona.

Poderáse participar en dúas modalidades:

  • Postres tradicionais.
  • Postres creativos.

Os participantes poderán ser particulares, asociacións ou establecementos de restauración dende Fisterra a Porto do Son.

A inscrición deberáse facer antes do 29 de xuño ás 18:00 h. na confraría do Pindo ou en calquera das oficinas do GAC ou através dos enderezos electrónicos mmerced2003@yahoo.es, gac@accióncosteira.es e info@margalaica.net.

O prazo de recepción de sobremesas participantes pecharáse o 30 de xuño ás 17:30 h.

O fallo do xurado e a entrega de premios será o 30 de xuño ás
22:00 h no local da Confraría do Pindo.

As bases deste concurso pódense descargar na seguinte ligazón:

VII Xornadas de Pesca

Por sétimo ano consecutivo, a Confraría de Pescadores do Pindo e o Proxecto Pindo Mariño desenvolven as súas Xornadas de Pesca co lema "Un mar de recordos ". Un verdadeiro encontro entre amantes e profesionais do noso medio mariño no cal vos queremos convidar a achegarvos ao Pindo para ollar á historia do noso mar, esta fonte de vida e de recursos sociais, naturais e económicos para todo o noso pobo en particular e do pobo galego en xeral.

Unha iniciativa que pretende potenciar unha visión das nosas costas que parte desde o respecto máis absoluto ao coidado dos nosos fondos, que son aproveitados con técnicas de pesca tradicionais e artesanais que posibilitan que os mellores froitos das nosas augas cheguen á túa mesa sen causarlle ningún dano. E sen dúbida ti, profesional ou consumidor, apreciará que así sexa e que contribuamos a legarlle ás futuras xeracións un medio igual ou mesmo mellor do que nós o atopamos.

As VII Xornadas de Pesca, en definitiva, cítannos a todas e a todos no Pindo (Concello de Carnota) desde o venres 29 de xuño ata o domingo 1 de xullo.

Entre as moitas actividades, poderás aprender con nós cestería tradicional, practicar deportes acuáticos como o kayak, gozar de actuacións musicais e de degustación de produtos típicos coas técnicas máis suculentas ou subir o maxestoso Monte Pindo. Pero, por suposto, a prioridade serán as conferencias sobre o sector que serán pronunciadas por poñentes do talle de Dionisio Pereira, Manuel Pan, Francisco Fernández Naval ou Xilberto Caamaño.

Podes descargar o programa das VI xornadas na seguinte ligazón:

VI Xornadas de Pesca

Como todos estes últimos anos, a Confraría do Pindo organiza no 2011 as súas Xornadas de Pesca, adicadas nestas a súa sexta edición ao amor polo mar.

As actividades englobadas nestas xornadas darán comezo coas actividades diarias para os máis pequenos dende o luns 20 de xuño ata o xoves 23 de xuño, con talleres e obradoiros para os cativos da casa.

Os días principais das xornadas deste ano serán o 24, 25 e 26 de xuño, nos que se realizarán no Pindo eventos moi variados: traballadoras do mar falarannos sobre as súas experiencias, haberá charlas sobre pesca sostible co experto Alfredo López Fernández do CEMMA e sobre traballar no mar con Mª Paz Gómez Vázquez (directora do ISM da Coruña), actuacións musicais, fiadas, roteiros, degustación de productos do mar, e moitas outras cousas.

Podes descargar o programa das VI xornadas na seguinte ligazón:

V Xornadas de Pesca

Outro ano máis, a Confraría do Pindo organiza no 2010 as súas Xornadas de Pesca, adicadas nestas a súa quinta edición ao mundo das baleas.

As actividades englobadas nestas xornadas darán comezo o sábado 19 de xuño coa excursión polo roteiro do Fornelo, e seguirán os días 21, 22, 23 e 24 de xuño con diversas actividades para os máis pequenos.

Os días principais das xornadas deste ano serán o 25, 26 e 27 de xuño, nos que se realizarán no Pindo eventos moi variados: debates con antigos empregados da baleeira de Gures, charlas sobre baleas con expertos (Alfredo López Fernández do CEMMA e Luis Laria do CEPESMA), actuacións musicais (entre elas a de Bieito Romero, de Luar na Lubre), visitas, degustación de productos do mar, e moitas outras cousas.

Presentación da web do proxecto Pindo Mariño

A Confraría de Pescadores do Pindo recolle nos seus Estatutos como funcións propias da confraría a promoción do recoñecemento social da profesión de pescador mediante a divulgación da cultura mariñeira, a difusión da actividade pesqueira en toda a súa extensión e o fomento das actividades turísticas, culturais e de lecer vinculadas á pesca e ao mar, dirixidas tanto á propia comunidade pescadora como á sociedade en xeral.

Neste contexto, a Confraría de Pescadores do Pindo pretende poñer en marcha un proxecto novedoso que contribúa a dar a coñecer a cultura mariñeira, a través do programa de actividades PINDO MARIÑO: Recuperación da tradición e cultura mariñeira.

Para reforzar o propósito de divulgación das actividades que se leven a cabo dentro deste proxecto, poñemos en marcha esta web na que se poderá consultar todo tipo de información sobre a función do proxecto PINDO MARIÑO, asi como outro tipo de datos e material variado.

Benvid@s!

Xunta de Galicia - Conselleria do Mar

Confraría de Pescadores de O Pindo
O Pindo (Carnota) · A Coruña
© 2010 Pindo Mariño · info@pindomarino.org